Categoría: Visitantes Páxina 3 de 5

O mércores e o xoves, 25 e 26 de xaneiro de 2023 recibimos no Museo do Médico Rural de Maceda a visita de dous grupos procedentes da Asociación Club Recreativo As Burgas da Valenza no concello de Barbadas en Ourense.

O Servizo do Centro Ocupacional As Burgas apoia o desenvolvemento da autonomía persoal e a integración socio-laboral das persoas con discapacidade intelectual, mediante programas de formación laboral das persoas con discapacidade intelectual, mediante programas de formación laboral, axuste persoal e social, e adecuación e coidado de entorno familiares e sociais. O fin último do mesmo é proporcionar unha atención habilitadora integral, que xere unha traxectoria individualiza de mellora de calidade de vida.

Hoxe martes 27 de setembro de 2022 recibimos no Museo Médico Rural de Maceda ao doutor José María Vázquez Pérez, coñecido como o médico dos pobres.

O doutor José María, auténtico médico rural, nado en Arnoia en 1931, que exerceu a súa profesión en Arnoia, despois en Carballeda de Avia durante 15 anos e en Ribadavia. Hoxe ten 92 anos e ata hai un ano estivo activo, atendendo aos seus pacientes e amigos.

Presentouse á alcaldía de Ribadavia nas primeiras eleccións democráticas, sendo elixido alcalde e exercendo como tal durante 10 anos non consecutivos.

Quedou impresionado coa visita e lembrou a súa vocación humanitaria e vocacional

Acompañouno o seu xenro, José Antonio Aguado, exdirector do Centro Social Comunitario de Maceda.

O mércores 10 de agosto de 2022 recibimos a visita de Joan Soriano no Museo Médico Rural de Maceda.

Joan B. Soriano, epidemiólogo do Servizo de Pneumoloxía do Hospital Universitario da Princesa e investigador do CIBERES (Center for Biomedical Research Networking in Respiratory Diseases) é tamén o representante en España da Organización Mundial da Saúde.

Xunto a Joan Soriano recibimos a visita de Julio Ancochea, presidente de Asomega, xefe do Servizo de Pneumoloxía do Hospital de La Princesa de Madrid e profesor de Medicina da UAM.

O luns 8 de agosto de 2022, en plenas festas patronais de Maceda, recibimos a visita ao Museo Médico Rural de Maceda.
Foron Manuel Mandianes (antropólogo), José Luis Prieto Salgado (farmacéutico), Manuel Ramos (médico do CHUO) e Pablo García Vivanco (farmacéutico).
Acompañados polo doutor José Manuel Lage, Director do Museo, percorreron con atención as distintas salas que compoñen este museo, así como a exposición temporal sobre a historia da medicina rural en Galicia.
Quedaron gratamente sorprendidos e emocionados coa visita e aquí tedes as impresións que nos deixou Manuel Mandianes:

“En Maceda (Ourense), J. M. Lage, médico y autor de “Retazos de la vida de un médico rural”, ha construido el museo del médico rural, con una exposición permanente de instrumentos médicos que hace visible la historia de la medicina en el mundo rural desde sus inicios hasta nuestros dias. La reunión de la colección y el diseño del espacio en el que se muestran, museo, suponen meses y años de dedicación entusiasta. El resultado es tan impresionante que al visitante se le hace difícil creer que lo que está viviendo, “O museo do médico rural”, esté en un pequeño pueblo de la Galicia rural.”

O 17 de agosto de 1908 saía á rúa o primeiro número do xornal “el Progreso” e xa no San Froilán aparece nas súas páxinas o personaxe Pelúdez.

Un labrego que a partir de entón, e da man de cinco sucesivos cronistas, difundiría os seus comentarios humorísticos sobre o día a día das máis fermosas festas do outono galego, e tamén sobre os distintos acontecementos do ano que, dalgún xeito, recapitulaba coa súa característica ironía.

Pelúdez e a súa familia convertéronse en figuras típicas e simbólicas do San Froilán de Lugo.

100 anos despois, e a través dun soño visitan Maceda, e nestas ilusións participan nunha festa co grupo musical “Os do Fuelle” polo videoclip ““Os do Fuelle ó tocar”, do cantautor Antonio Luz e a coreografía de Ana Martínez.

Guiados por Tareixa Campo e Suso Meilán, os membros do grupo de teatro afeccionado Achádego Teatro aprovéitano e visitan o “Museo do Médico Rural” e quedan gratamente impresionados pola colección de pezas e polas explicacións e paneis das distintas salas.

Hoxe, xoves 2 de xuño de 2022, recibimos no Museo Médico Rural de Maceda unha agradable visita por unha banda de Ourense, aos usuarios da Residencia Domingo Gómez Freire da Asociación Aixiña, e por outra banda, de Santiago de Compostela a Ana Paula Castro, Licenciada en Historia da Arte coa especialidade de Patrimonio Artístico pola USC e Taxadora de antigüidades pola empresa Galantiqua.

O grupo gozou coas explicacións didácticas e anécdotas do noso director, o doutor José Manuel Lage.

Emocionados e co compromiso de volver visitarnos.

O 28 de marzo de 2022 recibimos no Museo do Médico Rural de Maceda un grupo de alumnos e profesores do I.E.S. Lagoa de Antela en Xinzo de Limia.

Xunto a eles, como orientación e guía, contaron cos doutores en Medicina, o doutor Roberto Fernández, empregado do PAC de Allariz, e o doutor Manuel Lage, director do Museo.

Estes médicos explicaron aos visitantes, pouco a pouco, a historia e a importancia do médico e da medicina no rural galego.

Unha experiencia moi interesante para os visitantes.