Categoría: Actualidade Páxina 2 de 17

O 23 de novembro de 2024 recibimos a visita da Delegación de Ourense do Colexio Oficial de Enxeñeiros Industriais e con eles os delegados dos diferentes Colexios Oficiais de toda Galicia no Museo do Médico Rural de Maceda.

Durante a visita recibiron explicacións do director do Museo, o doutor José Manuel Lage, e compartiron anécdotas e vivencias relacionadas coa historia da medicina.

O Colexio de Enxeñeiros Industriais de Galicia (ICOEIG) é a corporación de dereito público que engloba persoas coa titulación de enxeñeiro industrial que desenvolven a súa profesión no mesmo ámbito xeográfico (Galicia), cuxo obxectivo é defender os lexítimos intereses dos colexiados, así como ordenar e valorar a súa actividade profesional na sociedade

A finalidade do colexio é:

• Ordenar o exercicio da profesión
• Ostentar a representación da profesión e a defensa da mesma ante os estamentos oficiais.
• A defensa dos intereses profesionais dos colexiados.
• Promover o desenvolvemento industrial sostible.

O mércores 18 de setembro de 2024, ás cinco da tarde, recibiamos a visita de María del Carmen Rodríguez Vázquez (Carmiña) como nos prometía cando nos recibía na súa casa no mes de maio deste ano.

Carmiña, que conta con 95 anos de idade, viúva do doutor Manuel Álvarez Vázquez que viviu entre 1896 e 1990 coñecido como médico de Ramiranes onde exerceu como médico rural utilizando o cabalo para ir visitar aos seus pacientes e famoso por conservarse varias fotografías trasladándose aos domicilios a lombos da súa montura.

Durante a visita, acompañada do doutor José Manuel Lage, director do Museo, manifestou a gran ilusión que tiña e que un dos seus desexos era visitar o museo e facerse unha foto á beira do retrato do seu esposo.

Relatounos historias da súa dilatada vida e do seu esposo das súas vidas e da súa experiencia no exercicio da medicina rural.