Categoría: Visitantes Páxina 4 de 5

Hoxe, 24 de febreiro de 2022, temos a visita ao Museo Médico Rural de Maceda por parte de representantes da “Farmacia Prieto” de Xinzo de Limia, moi vinculada á medicina rural e á atención primaria.

Farmacia que foi fundada en 1933, e é un dos establecementos sanitarios máis diversificados e cualificados de toda a xeografía española. Comeza como unha farmacia que xoga un papel fundamental na atención primaria xa que daquela non había seguridade social e a zona da Limia non estaba tan conectada como hoxe. Eran entón os días da feira, os días 14 e 27 de cada mes, cando os cidadáns se achegaban á capital da Limia para abastecerse de medicamentos e realizar consultas profesionais que ían dende consultas propias, como consultas para animais domésticos que en aqueles tempos Apoiaban as familias galegas, o farmacéutico colaborando estreitamente cos médicos ou veterinarios.

O martes día 23 de febreiro de 2022 dentro das Rutas Culturais que organiza o Espazo+60 de Afundación Abanca Ourense tivemos no Museo do Medico Rural en Maceda a visita dun grupo de 25 persoas percorrendo a historia da medicina de todo o século XX e compartindo experiencias o respecto.

Hoxe, 16 de outubro de 2021, recibimos a visita da Asociación Veciñal Baños de Molgas.

Durante algo máis dunha hora realizaron unha visita no tempo pola historia da medicina rural en xeral e máis concretamente pola influencia da figura do médico rural na nosa zona.

Acompañados das explicacións do doutor José Manuel Lage, fixeron esta visita evocando recordos da infancia e descubrindo curiosidades da figura do médico rural.

A continuación, deixaron un rexistro por escrito de satisfacción polo traballo que o Museo Médico Rural está a levar a cabo para difundir o traballo desenvolvido por estes profesionais médicos nas zonas rurais, asinando o libro de visitas.

Persoal directivo da Casa do Patrón de Lalín visitou hoxe, martes 12 de outubro de 2021, o Museo do Médico Rural de Maceda (Ourense), onde recoñeceron: “a extraordinaria homenaxe ao impagable traballo do médico rural na nosa Galicia, feito dende o corazón por un médico exemplar que exerceu a súa profesión por aquelas terras durante 42 anos.

Sen dúbida unha persoa fóra do común, que continúa loitando por mellorar a vida das xentes do noso rural despois da súa xubilación, dun xeito totalmente altruísta e xeneroso. Parabens o noso amigo Dr. José Lage.”

Dende o Museo estamos  colaborando coa recreación de un consultorio do médico rural no seu museo etnográfico y que entregamos diversos instrumentos médicos…