Categoría: Actualidade Páxina 16 de 17
O venres día 22 de maio de 2020 dentro da programación nocturna da Televisión de Galicia, o Dr. José Manuel Lage foi entrevistado por Gayoso nó número 1219 de Luar.
Presentouse o Museo del Médico Rural de Maceda a gran multitud de seguidores que ten o devandito espazo televisivo.
Minuto 44:18 José María Lage, impulsor do museo do médico rural en Maceda : Enlace
O 30 de Xaneiro de 2020 o Dr. José Manuel Lage estivo durante media hora foi entrevistado por Xosé Manuel Piñeiro para a Radio Galega, presentando o Museo do Médico Rural e resaltando a figura do médico rural, unha figura clave, patrimonio inmaterial da nosa terra e quizais a mais valorada no mundo rural
O médico rural era psicólogo, confesor,veciño,…o seu traballo de sol a sol , todos os días do ano, era intachable.
Percorrían a diario dacabalo,motocicleta ou coche as aldeas do rural,con escasos medios….pero cunha extraordinaria habilidade para resolver os problemas que se lle presentaban
Foron uns heroes silenciosos e artesáns do seu oficio.
Doutor en Galicia é un programa da Televisión Galega que semana a semana viaxa por toda a xeografía galega para charlar con profesionais da nosa sanidade e saber do seu traballo e os lugares onde o levan a cabo.
Ademais contásennos porque escolleron esta profesión. Tamén cando non están coidando da nosa saúde a que dedican o seu tempo libre.
O 11 de xaneiro de 2020 no seu programa número 6 visitaron as instalacións do Museo do Médico Rural en Maceda, para charlar co Dr. José Manuel Lage, quen os conduzo polas distintas dependencias do museo admirando o material utilizado polos médicos rurais desde 1900 ata o ano 2000.
Programa: (a partires do minuto 20:25)
http://www.crtvg.es/tvg/a-carta/doutor-en-galicia-6-4258979?t=1
O 3 de xaneiro de 2020 recibimos de mans da pintora Ourensá Mayte Vázquez un cadro de cerámica para a fachada da entrada do Museo do Médico Rural.
Placa que xa loce na fachada e que lle agradecemos este preciso agasallo.
Este venres, 6 de decembro, o vello bus de Anacos de Vida visita Ourense para facernos viaxar no tempo e descubrirnos as pequenas e grandes historias que hai tralas fotos antigas da xente de Maceda.
A única localidade ourensá na que estivo previamente foi Celanova, terra que viu nacer o programa froito da realización do proxecto de recuperación da memoria gráfica e oral “Aquela Celanova”.
A preestrea en Maceda será o venres, 6 de decembro, no salón de actos do Concello ás 19:30, onde presentaremos un novo capítulo deste formato audiovisual, creado por Arraianos Producións para a CRTVG e onde recuperamos boa parte da nosa memoria individual e colectiva.
Na preestrea de Anacos de Vida gozaremos da presenza dos protagonistas desta nova entrega, que son os veciños e veciñas das 11 parroquias deste val, protexido pola Serra de San Mamede, ademais dos rapaces e rapazas do centro educativo público de primaria da vila, que participaron tamén no programa.
Este acto contará tamén coa presenza do director e produtor do programa, Aser Álvarez, produtor executivo de Arraianos Producións, e a presentadora Alba Prol, que é orixinaria de Maceda.
O programa emitirase este sábado, 7 de decembro, a partir das 19:00 na TVG.
No programa desta semana imos descubrir, a través das fotos antigas, por que Maceda é unha das vilas con máis éxitos ciclistas e a mellor canteira de Galicia e seremos ademais testemuñas dun evento moi agardado na vila: a primeira visita ao museo dos médicos rurais, un proxecto pioneiro e único en Galicia.
Non pararemos ata que o noso equipo de investigación descubra a historia que se agocha trala foto misteriosa do programa.
Dentro da programación do Curso de historia da Medicina Rural e os seus profesionais organizada pola Escola Rural de Saúde dá Limia tivo lugar unha visita guiada ao Museo do Médico Rural o 12 de novembro de 2019.
O Dr .José Manuel Lage Parente fixo unha exposición da evolución da medicina en Galicia desde principios do século XX ata os nosos días, así como o papel que os profesionais da saúde no medio rural desempeñaron, especialmente o médico rural, ao que describe como “heroe silencioso que tivo unha importancia capital nas nosas vidas”.
O curso estivo dirixido á poboación en xeral, sendo de especial interese para profesionais do sector sanitario e social, así como a todas aquelas persoas que queiran coñecer as orixes e evolución do actual Sistema Sanitario e a importancia dos profesionais sanitarios no benestar da poboación galega do rural.
Para poñer broche final á formación, visitouse o Museo do Médico Rural situado no Concello de Maceda, recentemente inaugurado e ao que se recomenda a súa visita, xa que están expostos material médico que progresivamente se foi incorporando á medicina desde principios de século ata o noso días, e que conta cunha exposición de máis de 1000 pezas catalogadas que utilizaban frecuentemente médicos e boticarios da época.
Finalizouse a visita debidamente…asinando no Libro de Honra.
Unha honra foi para todos os participantes do curso que o Dr Lage compartise connosco os seus coñecementos e experiencias dunha vida enteira ao servizo dos seus pacientes.
Durante a visita Pablo García Vivanco, farmacéutico de Xinzo de Limia, Dr José Manuel Lage Parente, autor dó Museo del Médico Rural de Maceda e Asoc Escola Rural De Saúde da Limia deron visibilidad á evolución da mediciña e poñen en valor a importancia de educar en salud á población.
Pablo G. Vivanco fixo doazón de varios instrumentos médicos así como de medicación dá Farmacia Prieto do pasado siglo para sumarse a colección do Museo del Médico Rural co a que o Dr Lage realiza unha labor pedagóxica única na sua categoría.
