A revista informativa mensual da Previsión Sanitaria Nacional número 95 correspondente ao mes de novembro de 2022 inclúe o Museo Médico Rural de Maceda como tema central.
Baixo o título: “Sublime Humanidade, a Fundación Museo Médico Rural nace oficialmente para poñer en valor o traballo deste colectivo imprescindible”.
Na revista álzase o recoñecemento á Medicina Rural e testemuña como participante activo na creación da Fundación do Museo do Médico Rural como símbolo de excelencia, humanización e memoria.
Na portada da revista, unha foto do doutor Manuel Vázquez Álvarez (1895-1990), médico rural a cabalo, que exerceu na comarca de Ramirás-Celanova.
O día 22 de outubro de 2022 ás 18.00 horas terá lugar no Salón Multiusos do Concello de Maceda a entrega do premio “A Fonte Limpa” e a presentación da Fundación Museo Médico Rural. Confirma a asistencia chamando ao 676 401 823 ou no correo electrónico lageparentejm@gmail.com
A gañadora do premio ‘A fonte limpa’, convocado por Asomega e patrocinado integramente por PSN, é unha iniciativa cunha vontade semellante de preservar a memoria dos que nos precederon e que aínda hoxe nos dan leccións de humanidade na práctica da medicina: o Museo do Médico Rural de Maceda (Ourense).
O premio dotado con 3.000 euros, enmarcado nunha iniciativa que explicou o presidente de PSN, Miguel Carrero: “O profundo sentimento humano foi quizais o primeiro elo que caracterizou a Facultade de Medicina compostelá -coñecida como ‘A Fonte Limpa’- en total dependencia e relación co espírito e a cultura milenarias do Camiño de Santiago”.
Os motivos aportados por Asomega e PSN para xustificar a concesión do Premio resúmense nos valores que a iniciativa do doutor Lage representa e fomenta, en concreto:
– Recoñecemento público á figura do médico rural, “amado co amor tácito e serio das aldeas” como dixo Otero Pedrayo.
– A potenciación da especial relación establecida entre o médico rural e o paciente. O propio Lage dixo nunha entrevista que “o xeito de tratar ás persoas e o amor que lles tiña e que tiñan por min compensou todo. Ese é un premio”.
– A reivindicación dunha forma de exercer a Medicina que se mantivo inalterable na súa esencia a pesar do paso do tempo: o médico rural que atende o parto, acompaña a maduración e alivia nas últimas horas.
– Consideración, en definitiva, do Museo como epítome da humanización da actividade profesional do doutor.
O Museo do Médico Rural de Maceda homenaxea a aqueles heroes silenciosos dos que non se adoita falar pero que tiveron unha importancia capital nas nosas vidas. Como sinala o propio Lage, o museo “recorda a aquel médico que estivo alí dende o nacemento ata o final, camiñando ata a casa da paciente por camiños ás veces inhóspitos para explicarlle algunhas probas, asistir a un parto ou tratar a un ferido”.
Crónica Fotográfica:
Rafael López, director de Academia Asomega; Francisco Martelo, presidente de la Real Academia de Medicina de Galicia; Miguel Santalices, presidente del Parlamento de Galicia; José Manuel Lage, promotor y director del Museo do Médico Rural de Maceda; Julio Ancochea, presidente de Asomega; Rubén Quintas, alcalde de Maceda; y Miguel Carrero, presidente de Previsión Sanitaria Nacional (PSN).Rubén Quintas, Alcalde de MacedaMiguel Carrero, presidente de Previsión Sanitaria Nacional (PSN).Julio Ancochea, presidente de AsomegaFrancisco Martelo, presidente de la Real Academia de Medicina de GaliciaJosé Manuel Lage, promotor y director del Museo do Médico Rural de MacedaMiguel Santalices, presidente del Parlamento de Galicia
Hoxe, 24 de abril de 2022 o Museo Médico Rural foi protagonista da man do noso director o Doctor José Manuel Lage nas ondas de Radio Galega facendo unha presentación da figura do Médico e a explicación e descripción do museo en Maceda.
A Deputación de Ourense celebra a oitava edición da Ourense ICC Week (Semana das Industrias Culturais e Creativas), que comezará o venres, día 22, e rematará o venres 29 de abril de 2022.
Dentro de este certame, convoca por quinto ano, o premio “Rodolfo Prada” que ten o obxetivo valorar o traballo dos xestores de iniciativas culturais e creativa que se desenrrola no territorio galego.
Decidiu recoñecer a labor desenrrolada polo doutor José Manuel Lage no Museo do Médico Rural de Maceda (Ourense) otorgándolle o seu terceiro premio.
O xurado salientou que a iniciativa é pioneira no panorama museístico co seu obxectivo de “poñer en valor a figura do médico rural”. Destaca que está situado en Maceda por ser a localidade na que José Manuel Lage traballou durante catro décadas. Durante anos viaxou por diferentes lugares de España para recoller información e solicitar aos médicos obxectos que agora se poden ver neste museo.
A gestora cultural Yolanda Castaño é galardoada co primeiro premio, pola creación do ciclo internacional de recitais poéticos mensuais, titulado “Poetas Di (n) Versos”. “Este ciclo é o único estable que presenta poetas internacionais de forma periódica e regular en toda España”, sinala o poeta.
O segundo premio recae no Festival de Cine de Cans, organizado pola Asociación Cultural Arela. “Por Cans pasa a creación galega máis emerxente, que se converte nunha gran plataforma que dá visibilidade a dous novos creadores”, sinalan os organizadores.
Tamén unha mención especial á Fundación Contemporánea, polo fomento e a difusión de proxectos culturais, especialmente có estudio “Observatorio de la Cultura”.
Os galardons están dotados con 3.000; 2.000 e 1.000 euros, respectivamente. Ademáis, un diploma e escultura de Manuel Buciños. Entregaranse o 28 de abril, ás 20 h, no MuseoValcárcel.
Na Bitacora de Santiago Prol Maceda crónica extensa referenciando o Museo do Médico Rural de Maceda contando a sua historia, o seu percorrido, o seu estado actual e especial dedicación a persoa do Doutor José Manuel Lage Parente como artífice do Museo.
Dentro do número 92 da revista PSN publicada pola mutua Previsión Sanitaria Nacional (PSN) encontramos por un lado a entrevista realizada o doutor José Manuel Lage, director e promotor do museo do médico rural de Maceda así como o reconocemento outorgardolle a dito museo
A través do Museo do Doutor Rural tiven a oportunidade de dar a coñecer a figura do médico rural e manter un estreito contacto con dita institución. Antigamente o significado de escola era o que pagaba a pena facer durante o tempo libre e sodes verdadeiros mestres na difusión de algo tan esencial nas nosas vidas, como a saúde e os coidados que hai que seguir para preservala ou paliar os seus efectos cando por diversos motivos perdémolo. Durante esta pandemia, decatámonos do valor de estar sans e cumprirnos como persoas, e que ter fortuna e poder ten un papel secundario e efémero. Esforzas moito en resaltar o que significa vivir nas zonas rurais e que a xente se decate de que son lugares únicos baixo o sol que nos axudan a atopar a paz interior, a liberdade e a tranquilidade que tanto necesita o mundo actual. Esta combinación de escola, saúde e rural é perfecta e soubo bordalo, así que quero que reciba o meu sincero recoñecemento e parabéns polo 10o aniversario. A miña man sempre está para axudarche en todo o que necesites e podes contar co meu sincero apoio a esta nobre iniciativa, que non é outra que promover a saúde.
