O 11 de xullo de 2024 recibíamos no Museo a visita dos investigadores Mario Rubiu e Ana Canelada
Estes investigadores continúan a visita que iniciaron co demógrafo Michel Poulain a Galicia, para observar de primeira man, se pode converterse na primeira rexión española e na sexta do mundo en contar cunha Blue Zone, a distinción outorgada por un comité científico internacional. aos territorios con maior esperanza de vida.
Se Galicia recibe este recoñecemento formaría parte deste club con mellor calidade de vida para os maiores, xunto con Sardeña (Italia), Ikaria (Grecia), Martinica (Francia), Nicoya (Costa Rica) e Okinawa (Xapón).
Estiveron acompañados como guía do Museo polo noso director, o doutor José Manuel Lage, como experto en lonxevidade de Ourense, o presidente da asociación Ourensividad, o farmacéutico Pablo García Vivanco, e o concelleiro de Cultura e Sanidade de Maceda, doutor Celso Sánchez. Asinaron no libro de honra do Museo e levaron consigo o libro “Retazos de la vida de un médico rural”.
A visita ao Museo complementouse cun intercambio de experiencias, vivencias e observacións sobre os estilos de vida dos longevos de Galicia e as múltiples semellanzas con Cerceña durante o xantar no Hotel Monumento Castillo de Maceda.
